Mirutarren VIII. Bandera

Denak martxan!

Uztaileko bigarren asteburua pasa da eta denak martxan dauzkagu. Gizonak, neskak, ARC ligak…

TKE ligari dagokionez, larunbatean Hondarribiak irabazi zuen Pasaiko uretan jokatutako estropadan. Igandean berriz, Kontxako uretan Orio izan zen garaile beste bi oilarrekin borrokatzeko bere kartak erakutsiz.

Irakoitz, banderan kirtena puskatu baino pixkat lentxio

Gainera, asteburu honetan bertan jokatu da emakumezkoen Euskotren ligarako klasifikapen estropa. Cabo kanpoan geratu da eta Orio izan da lehen aldiz ligan parte hartzeko postua lortu duena. “Adituek” diotenez, arraunkera eta estilo paregabeaz, gizonezkoak baino “entrega” hobea izan omen zuten neskek. Xapo!

Pasai San Juaneko neskak ospakizunetan

Guri dagokigunez, puntu mordoxka banatu ditugu eta asteazkenean jokatuko diren Gipuzkoako eta Bizkaiko txapelketen zain, holaxe daude kontuak:

Zorionak Amaia eta Itziar! Fuerte hasi zarete. Animo beste denoi, beti geratuko zaigu Paris…

Galiziako asteburua

Eup,

Galizian bi estropada jokatu dira eta Hondarribia eta Urdaibai izan dira garaileak. Sendo dabiltza mugako txikibileroak eta estroparik estropa beren “alarde” propioa egin nahi dutela dirudi.

Urdaibai ere fuerte dabil baina oraingoz erregulartasuna falta zaio. Orio, uste baino flojoxio hasiera honetan.

… eta atzetik datozenen artean aldaketa asko. Gure apustuaren gakoa hauen artean egongo dela dirudi.

Gure liderrak: Amaia, Itziar, Joseba, Marilo eta Mintxu. Zorionak bostoi!

Basque Country Bandera

Malagara egindako lehen espedizioaren ondoren, hona hemen aurtengo lehen klasifikazioa.

… susmoa hartzen diot aurten gauzak estu antzera joango direla, ummmmmm……. Gero eta gehiago afinatzen du hemen jendeak, esperientzia gehiago, informazio iturri fidagarriagoak….

Malagako alkateak ez omen zuen sekula ikurrina bat hain gertu eduki…..

… euskal kirolariek egindako exibiziyuak ikusita, ikurrina goxo-goxo tratatzia hobe izango zela pentsatu zuen.

Zorionak liderroi!!!

Apustua martxan

2015eko apustua

San Pelaio eguna, bazkaitan, zuen apustuak entregatzeko azken aukera.

Animo eta ez geratu kanpoan!

Azken Emaitza

Bukatu da azkenik arraun denboraldia eta honekin batera gure Apustu Santua.

Beste urtetan azken puntu hauek erabakigarriak izan diren bezala, aurtengoan ez da horrelakorik izan eta gauzak bere horretan geratu dira puntu gutxi batzuk gora-behera.

Ligako irabazlea Hondarribia izango zela iragarri zuen bakarra Maialen izan da eta beretzat izan dira 15 puntuak.

Patroi onenaren saria Zierbenako Vicente Carpinterok eraman du eta mutil honen alde inortxok ere egin ez zuenez, punturik ez da izan inorentzat. Carpintero berak esan digu batere inportik ez diola. Allakuidaos.

Polemika edo polemikarik gabe, kontua da bandera gehiena Hondarribiak eraman dituela eta gutako inork ez zuela haien alde egin. Hemen ere punturik ez inorenzat.

Playoff-ei dagokionez, hemen ere organizazioak adarra jo digu eta TKE ligatik inork ez du playoffa jokatu. Astillero, Emilio Botin beatoaren bitartekaritzaz trantze horretatik libratu da eta hurrengo urtean ere TKE-n izango dugu Cantabria ordezkatuz.

Beno famili, iritsi da garailearen izena esateko unea:

MINTXU!!!!!!!!!!!!

Han egongo da Catalunya aldean masajeak hartzen, baina hemendik gure zorionik beroena eta besarkada handi bat denon partetik

Zorionak Mintxu!

Notizi txar bat ere bada irabazlearentzat, hau da Mintxurentzat. Aurtendik aurrera apustua irabaztea ez da nahikoa bandera eramateko….. jejeje.

Reglamentuko 33. artikuluak dionez, “Behar beharrezkoa da bandera jaso behar duenak, bandera eskuetan hartu aurretik, mahaian eserita dauden familikideei BERTSO bat botatzea, bestela ezingo du bandera eskuratu”

Badakizu ba, Mintxu. Hasi bertso polit bat pentsatzen edo paper batean idazten, gero txuletarekin bada ere kantatu egin beharko duzu ta.

Klasifikazioarekin uzten zaituztet. Izan untsa!!

Kontxako bandera… Migel Angelentzat!!!

Bera izan baita asmatzaile bakarra eta 30 puntuko bonifikazioa poltsikoratu duena, bidebatez. Besteok ez genuen nonbait Bermeotarrengan konfidantza handirik…

Emakumezkoen kategorian San Juanek eraman du bandera eta gure arteko asmatzaileak Pakita eta Mikel A. izan dira. Bakoitzak 20 puntu patrikara, raast!

Eta amaitzeko… kontsolazio tanda ere San Juandarrek eraman dute. Hemen gehiago izan dira diana egin dutenak: Joseba, Migel Angel, Garbiñe, Mikel I., Mintxu (nola ez), Eli eta Imanol.

Zorionak Migel Angel, asteburu hau zurea izan da eta.

Zorionak Mintxu, denboraldi osoa zurea izaten ari da eta.

klasifikazioa:

Oraindik puntutxo batzuk banatzeke daude: pare bat astean garailearen izena jakiteko moduan izango gara, inpugnazio, santzio, doping, deskaliozikazio eta antzekorik tarteko ez bada behintzat.

Ondo izan.

Kontxako lehen jardunaldia

Eup,

Jokatu da Donostiako estropen lehen jardunaldia eta sorpresa handirik ez da izan. Lau faboritoak, Urdaibai, Kaiku, Hondarribia eta Orio ohorezko tandarako sailkatu dira. Urdaibaiek ikaragarrizko erakustaldia eman du lehen kaletik eta errenta bikaina lortu hurrengo iganderako.

Gure apustuetan ere ez da sorpresa handirik izan. Gehienok ohorezko tandan sartu behar zuten traineru gehienak asmatu ditugu eta holaxe geratu dira gauzak bigarren jardunaldiaren atarian:

Kuriosidadez, jakin ezazue kontxako irabazle bezela Urdaibai, Migel Angelek bakarrik aukeratu zuela. Hementxe usten det datua.

Izan ontsa.

Donostiako tripulazioa, bere herriko zitara sekula huts egiten ez duena.

Kontxako sailkapen estropa

Jokatu da Kontxako sailkapen estropada, egia esan, sorpresa handirik gabe. Faborito guztiak sailkatu dira eta azkenik Kaiku izan da denborarik onena markatu duena: 19:38.

Gure porran Miren izan da gehien hurbildu dena 19:39ko denborarekin. Punteria fina! Nekane eta Joseba 3 segundutara geratu dira eta Mikel I. 8-ra.

…eta asmatu nor izan den 8. klasifikatua Tiran izango zela asmatu eta 20 puntuak eraman dituena: MINTXU!!! Alfer alferrik ari gara bere kontra. Aurten bere urtea da eta bete-betean asmatzen ari da erretretadun neofitoa.

Kontxako atarian, beraz, holaxe daude gauzak:

Igandera arte, beraz.

Ongi etorri, amona!!!

Nerbioiko estropadak

Kaixo,

Asteburu honetan bi estropada jokatu dira Ibaizabalen, Portugaleteko bandera eta Bilbokoa. Dakizuen bezala, Orio eta Hondarribia izan dira garaileak eta nik txintxo-txintxo puntuak banatu ditut egindako apustuei zegokien bezala.

Gainera, Bilboko estropadako irabazlea asmatzeak 15 puntuko bonifikazioa zuela gogorarazten dizuet. Guztiotatik bi bakarrik izan dira bere garaian Bidasoan entrenatzen dutenen alde egin zutenak: Pontxio eta Eli. Bejondeizuela ba: 15na puntu bakoitzarentzat.

Kontxako estropaden bezperan holaxe dauzkagu kontuak:

Mintxuk ligako apustuetan nagusitasuna azaldu du eta sendo dago lehen postuan, baina orain Kontxa dator eta hau beste kontu bat da. Atzetik segika daudenak zai daude osteguna noiz etorriko, egun klabea baita hori gure apustuan.

Amonari ere animoak!!!! Ea laster etortzen den berriro Zarautz aldera.