Mirutarren VIII. Bandera

Zarauztarra, bakar bakarrik…

Halaxe geratu da gure Mintxu klasifikazioaren muturrean. Atzetik enpate hirukoitza degu Amaia, Mikel A. eta Inigok osatua. 11 puntuko bretxa erretretadunaren alde. Honek bertsua ere merezi du, zarauzko balearen doinuan, noski.

Nahiz ta itxuraz ez zan arerio sutsu,

jubilatu ta gero, bapaten jakintsu,

bestiak tirri-tarra gabiltza berdintsu,

garbi dago ekainen ez zegola itxu,

aurtenguan seriyo jarri zaigu Mintxu

Animo danoi! Igandean Bilboko bandera. Beste zirrikitu bat esperantzari…

San Asension Rafaelen prentsaurrekoa ta gero mahai-ingurua.

Zarauztarrak bina-bina…

Egun on danoi!!

Zarauzko estropadaren biharamunak berritasunak dakartza berekin. Eta horien artean, tatxan tatxan… lider berria!! Hala ere, aitortu beharra dago jendia ez dela oso fin ibili zarauzko estropako irabazlia asmatzerako orduan. Donostiako anai-arrebak izan dira finenak: Mikelek neskena asmatu du eta Maialenek mutilena. Beraz, zorionak bioi. Gainera, ikusita gauzak zein estu dauden, horrela jasotako puntuak hil ala bizikoak bihurtu dira aurten.

Estropari dagokionez zer esan… Larunbatekua bikaina izan zela, Kortak beste behin lezioa eman zuela Zarautzen, Sestaoko surf eskolako mutilekin.

Eta igandean, berriz, beste estropa zoragarria eta esaerak dioen moduan zarauztarrak bina-bina iristen badira, traineruak zarautzen ere bai. Fotopinixarekin ere, ezin jakin aurrena zein izan dan. Hori dela eta, ACT-k lehen biei hamabina puntu eman badizkie, guk ere irizpide berdina jarraituz, Kaiku eta Oriori lehenengoaren puntuak eman dizkiegu (erreklamazioak Mikel etortzen denian…)

Zarauzko estropen ondoren, aipatu bezala, lider aldaketa egon da. Amaiaren lekuan jarri zaigu Mintxu!! Bazetorrela bazetorrela eta azkenian iritsi da lehenengo postu horretara. Zorionak ba danon partez. Eta Amaiari ere animo eta ez etsi, bertan daukazu eta lidergoa.

Gauzak horrela, azken apustu bat ere bazen zarauzko estropen inguruan. Denborarena!! bi egunetako denboren baturara gehien hurbiltzen zena liderraren parera etorriko zen. Denbora 39:35,84 izan da. Eta gehien hurbildu dena: Iñigo!!! Jeje. Afiiiiiii!! (39:37 izan da bere apustua). Beraz, zarauztarrak bina-bina, baita lidertzan ere: Mintxu eta Iñigo.

san juango neskak garaikurra jasotzen.

Beraz, batuketa guztiak egin eta gero, holaxe daukagu gaur gaurkoz klasifikazioa

Gauzak estu zarauzko (gizonezkoen) estropen atarian

Kaixo danoi!

Gure Mikel, blogaren administradore jauna, oporretara joan zaigunez, neoni arduratuko naiz (bere anaia gaztia) bere itzulera arteko denboan.

Asteburu honetan, dakizuen moduan, gaita eta mariskuaren lurrean jokatu dira estropak eta bertan hondarribiak sendo dagoela erakutsi du, eta Oriok berriro ere zarauzko estropari begira bere hautagaitza aurkeztu du.

Bestalde, Zarauzko estropak jokatu dituzte neskek. Aupa San Juan!! Gogoratu beharra dago, irabazleari 20 puntu kentzen zitzaizkiola. Eta nork asmatuko irabazlea? Gure Mikel donostiako kimikua izan da asmatu duen bakarra. Eta bide batez erakutsi du, gure familian nesketaz gehien ulertzen duen kidea dela. Zorionak, ba, Mikel! 20 puntu horiek kenduta aurrekalden sartu du muturra eta kontrario gogorra dela erakutsi du.

Azkenik, kontu egin, aste honetan erabaki dela Getxoko estropan Hondarribiak eta Kaikuk egindako errekurtsoa. Epaileek arrazoi eman diete eta beraz, egin beharreko zuzenketak ere egin dira.

Bukatzeko, Amaiak aurrean jarraitzen du baina Mintxu puntu bakar batera dauka!! atzean ere gauzak oso estu… Zer ekarriko ote digute zarauzko estropek? Gogoratu puntu asko daudela jokoan eta gainera, datorren igandean bi lider izango ditugula, izan ere, bi estropen denborara gehien hurbitzen dena liderraren puntu berdinekin oheratuko da.

animo eta eutsi gogor!!

Euskadiko Txapelketak

Oraindik estropa jokatu duten estropalariak dutxatik atera bage daudela, gure porratxoa eguneratzeko denbora hartu det.

Honezkeo jakingo dezuen bezela, emakumezkoen kategorian Pasai Donibanetarrak izan dira garaileak eta gizonezkoetan Bermeo-Urdaibaikoak.

Estropa polita ikusi degu telebistan eta puntuak banatzeko garaia iritxi da. 15 puntuko bonifikazioa zegoen asmatzen genuen bakoitzarentzat.

Bermeo asmatu dutenak hiru izan dira: Isabel, Miren eta Itziar.

San Juaneko nesken alde egin dutenak, beste hiru: Pakita, Garbiñe eta Mikel A.

6 asmatzailetik 5 emakume. Hementxe uzten dizuet gogoeta…

Goikaldean gauzak estutzen ari dira:

Aipatzekoa Amaia, Pakita, Isabel eta Mintxuren taldera Itziar batu dela eta orain 5 direla gure klasifikazioan agintzen duten emakumeak.

Igandean Espainikoa txapelketa. Norbait despistatuta badabil, jakin beza gure apustuan ez dela puntuagarria (ez eta izango ere).

En fin, norbaitek gainbegiratu nahi badu, hementxe jartzen dizuet berriz ere egin genituen apustuen laburpena

egindako apustuak 2014

holako modukoa eman diote gaurko garaileei…

Uztaileko balantzea

Balantze erreza: emakumeak nagusi!!!

Amaia, Mintxu, Isabel eta Pakita klasifikazioaren goikalean dauzkagu.

Hondarribia eta Urdaibai sendo dabiltza eta Kaikuk ere estropa politak egin dizkigu. Orio ez dabil uste bezain errez, baina hala ere ez dute etsi. Konfidantza berreskuratzen badute, argi hauekin ere.

Gure klasifikazioa:

Gure blogean komentarioak egiten dituzten bakarrak Inigo, Imanol eta Pontxio direla kontutan hartuko degu. Bidebatez, puntaren puntan dabiltzan 4 señorei abixua luzatzen diegu. Blogean iruzkinak jarri mesedez, zein pozik zaudeten esateko bada ere. Gogoratu hori baino gutxiagogatik Kaiku zigortua izan dela 😉

Bixigu usaineko asteburua

Kaixo denoi,

Dakizuen bezala, asteburu honetan bi estropa jokatu dira, San Pedron eta Orion, biak errioan, eta batean kale-zozketak lagunduta eta bestean haize-aldaketak lagunduta, Hondarribia eta Urdaibai izan ditugu irabazleak.

Gainera, gogoratzen ez bazineten ere, jakin ezazue Orioko estroparen irabazlea asmatzea puntuagarria zela. 25 puntuko bonifikazio goxoa zegoen asmatzailearentzat eta egia esan, ez duzue asko aprobetxatu aukera. Hiru bakarrik izan dira orioko estroparen irabazletzat Urdaibairen izaena jarri zutenak: Isabel, Amaia eta Pontxio. Ederki sumatu dute gainera klasifikapenean hirurek. Saltotxoa egin du bakoitzak bere gerra partikularrean.

klasifikazioa honela doa:

Amaia, Mintxu, Isabel eta Pakita buruan. Aurten emakumeak nagusi. Horretan dudarik ez dago. Atzekaldean, Pontxiok ihes egitea lortu du azken postuetatik eta orain Maialen eta Joseba ari dira eskoba-kotxearen motor-soinua haien ipurdietan sentitzen.

Ondo izan

Gipuzkoako txapeldun: Orio eta Bizkaiko txapeldun: Urdaibai

Orion oraindik txaranga-soinuak dabiltzan bitartean gure porra eguneratzeko lana hartu behar det.

Orio eta Urdaibai izan ditugu herrialdetako txapeldunak eta 15 puntuko bonifikazioa hartu dute bere garaian haien alde egin zutenek. Esan beharra dago gehienok halaxe egin zenutela eta gutxi batzuk izan zaretela bietatik bakarra asmatu duzuenak. Bakarra bietan kale egin duena: Joseba (animo xarra!)

Honelaxe daude gauzak:

Brankan Pakita eta Amaia dauzkagu, sendo eusten liderrgoari. Popan, Pontxio eta Joseba, sendo hauek ere.

Asteburuan gehiago.

aioooo

Bizkaiko txapeldun berriak.

Asteburu berdea

Eup,

Larunbatean Hondarribia eta igandean Castro. Asteburu honetan berdeak nagusi. A priori zeuden pronostikoak hautsiz, Orio eta Urdaibaik azaldu duten nagusitasuna bukatu egin da asteburu honetan eta inoiz baino irekiago geratu zaigu liga. Guzti honek gure apustuan ere eragina izan du, nola ez, eta aldaketa latzak eman dira batzuen zorionerako eta beste batzuen zoritxarrerako.

Euskotren liga ere martxan degu eta azkenik Hibaika, Zumaia, San Juan eta Samertolameu izan dira lau sailkatuak. Getaria-Zarautz eta Oriok paper ona arren ez da nahikoa izan lau onenen artean izateko.

Nesken lau traineruak asmatu dituen bakarra PAKITA izan degu, lider berria!!! Beno, Joakin eta Amaiaren baimenarekin, haueukin elkarbanatzen baitu lidergoa.

Holaxe goaz:

Gauzak estu, beraz.

Datorren astean beste bi estropa eta gogoratu igandeko estropak, Oriokoak hain zuzen, puntuazio berezia daukala. Animo eta zorte on denoi!

Hibaikako neskek herriko mutilek azaldu ez duten fuldamentua azaldu dute arrainerako.

Galizian bada petrolio: Urdaibai eta Orio

Halaxe da. Galiziako uretan petrolioa atera dutenak Bermeoko mutilak eta oriotarrak izan dira. Indarrean dabiltza faborito nagusiak baina denborei dagokionez erronka handirik ez da. Hondarribia ere hortxe dago eta kontutan hartu beharko dugu hau ere. Denboraldia hasi besterik ez da egin eta oraindik gauza asko gertatuko dira.

holaxe goaz gu:

Amaia eta Joakin lider!! Gogor hasi dira biak eta Zierbenari emandako konfidantzari esker klasifikazioaren muturrean dauzkagu biak.

Beste puntan donostiarrak. Kaiarribaren partez kaiabajo datoz hauek. Ai ai ai… Mikelek Norbegian zuek baino informazio hobea ibili duela iruditzen zait…

En fin, ondo pasa astea eta lan asko egin irakasle eta jubilatu ez zarenenok. (ni eta nere moduko beste inuzente sueltoren bat, alegia…)

Zierbenakoak, gure apustuan diferentziak markatu dituztenak.

Lehen emaitzak

Itziarren arazotxoa konpondu ostean, hona hemen lehenengo sailkapena. Gauzak estu. Kostako da aurten tarteak zabaltzea. Detaileak erabakigarriak izango direlakoan nago.

Atxikenle, atxikenle, gatxupines!!!